Rusiye Qırım sakinlerini Ukrayinağa esirlerni deñişüv çerçivesinde qaytarmaqnı red ete, çünki yarımada sakinlerini öz vatandaşı olaraq saya, dep bildirdi "Kremlniñ siyasiy mabüslerniñ tuvğanları birleşmesiniñ" reisi İüor Kotelânets.
Onıñ aytqanına köre, esirlerni deñişüv vaqtında 120 Ukrayina vatandaşı evlerine qayttı. Lâkin azat etilgenler arasında kene qırımlılar yoq edi.
Kotelânetsniñ añlatqanına köre, Rusiye, ilhaq etilgen yarımada sakinlerini mecburiy "pasportlaştıruv" sebebinden öz vatandaşları olaraq sayıp, qırımlılarnıñ qaytarmasını muntazam sürette red ete.
Aq qorçalayıcı qayd ete ki, böyle bir mevam halqara uquq qaidelerini boza ve qanunsız tutulğan ukrayinlerniñ evge qaytmasına keder ete.
İlk yaz ayınıñ 2-nde İstanbulda Ukrayina ve Rusiye eyyetleri arasında muzakereler olıp keçti, olarnıñ neticelerine köre taraflar esirlerni deñişüvniñ yañı usulları aqqında añlaştılar. Ukrayina mudafaa naziri Rustem Ümerovnıñ bildirgenine köre, añlaşmalarnıñ merkezinde tutulğanlarnıñ sayısı degil de, kategoriyaları tura. İlk nevbette bütün ağır yaralanğan ve ağır hastalarnıñ deñişimi, 18-25 yaşında genç askerlerniñ qaytarılması.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
