Rusiye Ukrayinağa kelecek bazarertesi künü, iyünniñ 2-nde, İstanbulda muzakerelerniñ ekinci turını keçirmege teklif etti. Bu aqta Rusiye Tış işler naziri Sergey Lavrovnıñ beyanatında aytıla.
Onıñ bildirgenine köre, Rusiye tarafı Ukrayina ile barışıq añlaşmasına dair memorandum azırladı, onı Rusiye prezidentiniñ yardımcısı Vladimir Medinskiy taqdim etecek. Keçken körüşüvde eki memleketniñ eyyetleri er bir tarafnıñ ateşkesnen bağlı fikirlerini aydınlatqan vesiqalarnı azırmağa añlaştı.
Mayısnıñ 16-nda İstanbulda Rusiye ve Ukrayina eyyetleri arasında muzakerelerniñ birinci turı keçti. Taraflar «1000-ge 1000» formatında cenk esirlerini deñişmege añlaştı. Medinskiyniñ aytqanına köre, Kyiv Rusiye ve Ukrayina prezidentleri arasında doğrudan-doğru muzakereler keçirilmesini istey.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
