Amerika istihbaratınıñ malümatına köre, ilk yaz ayınıñ 1-nde ukrayin ava darbeleri neticesinde Rusiyeniñ arbiy ava limanlarında 20 uçaq bozuldı, dep bildire Reuters agentligi Amerika memurlarına atıf etip.
Olardan 10-ğa yaqını yoq etildi, qalğanları zarar kördi. Bu raqam Ukrayina prezidenti Volodımır Zelenskıynıñ bildirgeninden bayağı az, o, ücüm vaqtında 41 arbiy uçaq zarar körgenini ve olarnıñ yarısını tamir etilmeycegini aytqan edi. Faqat Reuters menbaları bu ameliyatnıñ emiyetini qayd ettiler, olardan biri tahmin etti ki, neticede Rusiye ateş toqtatılması muzakerelerinde öz noqta-i nazarını quvetleştirir.
Amerika temsilcileri ABD Ukrayinadan planlaştırılğan ücümler aqqında evelden malümat almağanını aytalar. Salı künü ABD-nıñ Ukrayina boyunca mahsus elçisi Kit Kellog "Pavutına" ameliyatı eskalatsiya havfını keskin şekilde arttırğanı aqqında tenbiledi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
