İlk yaz ayınıñ 6-nda gece Rusiye Ukrayinağa dron ve çeşit raketalarnen ücüm etti, eñ azından dört insan elâk oldı, onlarnen insan yaralandı.
Kıyivde altı rayonda Rusiye ücüminiñ aqibetlerini yoq eteler. Aqmescit şeer yolbaşçısı Vitaliy Kliçkonıñ bildirgenine köre, dört insan elâk oldı, eñ azından 20 kişi yaralandı, 16-sı hastahanege alındı.
Hususan, yanğın Ğoloseyevo rayonında yüz berdi, anda belli olmağan bir grajdan infrastruktura obyekti ve tasil müessisesi zarar kördi. Solomenskıy rayonında 16 qatlı evniñ 11-inci qatında yanğın çıqtı. Atış neticesinde Darnıtsa ve Livoberjna stantsiyaları arasındaki metro yolları zarar kördi.
"Duşman ücüminiñ neticesinde zarar körgen metro yollarınıñ tamir işleri bir kün devamında devam etecek", — dedi Kliçko.
Kıyiv vilâyetiniñ üç rayonında viraneler bar, dep haber ete OVA. Brovarı, Buça ve Borispil rayonlarında şahsiy evler ve hocalıq inşaatları zarar kördi. Yaralanğanlar aqqında haber daa yoq.
Patlavlar Çerniğiv vilâyetinde, Ternopilde ve Lutskta da eşitildi. Ternopilde patlavlar beş daqqa devam etti, dep bildire "Suspilne" mühbiri.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.